По завршувањето на курсот слушателот ќе може да води разговори и да дискутира со познати луѓе, да прочита и разбере статистички податоци, подолги раскази, статии од новина или онлајн магазини, да разбере интервјуа и изјави, да ја пренесе содржината на прочитани текстови во писмена и усмена форма, да зборува за искуства и доживувања, да покаже изненадување, интерес, разбирање, да го изрази своето мислење, претпоставка и да ја образложи. Слушателот го усвојува вокабуларот на тема социјални групи, статистички податоци, чувства, лични односи и врски. Во втората лексија се опфаќа вокабулар на тема пејсаж и музика, придавки и нивна употреба. Слушателот се стекнува со знаење и е оспособен да формулира споредби, да опише нешто или некого, особено да ги истакне особините, детално да извести и да раскаже. Учебникот е така конципиран, да во следните лекции се вежбаат јазичните вештини, и тоа читање и детално разбирање на литературни, стручни текстови, извештаи, правила за игри, загатки, рецензии на интернет, онлајн дневник, слогани на реклами, е- маилови, текстови од магазини, текстови/постови на интернет- форум, интернет страници, песни/поеми, изреки, репортажи, информативни текстови, писма на читатели, профили на фирми, плакати со манифестации, фрази; да слуша и детално да разбира литературни текстови, интервјуа, извештаи, разговори, песни, филмска критика, рецепти за готвење, телефонски разговори, преноси на натпревари, емисии на радио и телевизија. Да фаќа прибелешки и со истите да напише текст, писмено да продискутира за книга или филм, за предности и недостатоци и да даде прелог решение, да претстави проблем и да понуди можности за решавање на истиот, да опише ситуација на работно место, критички да се изрази, да напише смс-пораки, да ја предаде содржината на одреден текст и писмено да аргументира; да зборува за лични искуства и чувства и да ги опише, емоционално да реагира, да зборува за ритуали и да опише празник или прослава од една друга перспектива, да објаснува правила на игра, да опише рецепт, да зборува за цели и намери, спонтано да изрази интерес, да зборува за омилен предмет или занимање, заеднички да го развие продолжението на една приказна, да објасни спортски правила, опширно да зборува за својата дневна рутина, да спореди аргументи, да изрази сомнеж и согласност, заеднички да испланира презентација и да подготви заеднички излет, да објасни нешто со свои зборови; се изучува и се усвојува вокабулар на тема туѓост, блискост/интимност, прослави, чувства и зборови поврзани со нив, абстрактни поими, филм, прехрамбени производи, рецепти, работно место, култура, компјутер, интернет, комуникација, спорт, натпревар, дневна рутина, домаќинство, време и клима, тело, здравје, трговија и берза.