Главна цел на програмата е учесникот да се стекне со знаења, вештини и компетенции за занимањето масер за лице и тело во салон за масажа.

Начинот на реализација на програмата е преку практична и теоретска обука. Програмата е изготвена врз основа на стандард на занимање масер. Потребните знаења, вештини и компетенции за занимањето масер за лице и тело во салон за масажа ќе се стекнат преку теоретски содржини кои ќе се реализираат во опремена просторија и практична обука, која ќе се реализира во салон за масажа или козметички салон. Програмата дава можност учесникот во програмата да стекне знаења, вештини и компетeнции со кои ќе може да ja организира сопствената работа, да го подготвува салонот и клиентот за масажа, да советува клиенти за одредена масажа, да подготвува и изведува масажа, да комуницира со клиентите, да го познава физиолошкото дејство на масажата и индикациите и контраиндикациите, да ги користи и одржува апаратите и опремата, да познава ефектите од примената на одделен вид масажа, да применува професионални апарати и препарати при изведување на масажа, да применува хигиено-технички мерки за лична и работна хигиена, асепси, антисепси и стерилизации, да ги познава правата и обврските од работен однос, отварање и водење на сопставен бизнис, да води да води грижа за сопствената безбедност и безбедноста на клиентот, да води грижа за здравјето и околината, да води евиденција и изготвува пресметка за извршената работата.

Времетраењето на програмата вкупно е 250 часа, од кои за теорија се 75 часа, практична обука се 150 часа и 25 часа за оценување.

Вреднувањето на постигнувањето на учесникот се спроведува тековно и по завршување на теоретскиот и практичниот дел на обуката со проверка на стекнати знаења, вештини и компетенции.

По успешно положен завршен испит учесникот се стекнува со сертификат „Масер за лице и тело“.