Програмата се заснова на стандардите потребни за  сaмостојно извршување на работите и работните задачи оџачар, во непосредно учество во спроведување на мерките  за заштита од пожар, спречување на настанување на пожар и експлозии, локализирање и гасење на пожари од запалени оџаци, спасување на имоти и лица загрозени од пожар од запалени оџаци, чадоводни објекти, котли за централно греење, печки за загравање и ложење на тврдо, течно и гасовито гориво.

Програмата е со дво месечно времетраење, или 200 часа, а се состои од тематски целини со стручно теоретски основи и практична обука. Теоретските основа се реализираат во опремени училници/кабинети, а практичната обука во вежбални, кабинет, полигон за вежбање и во реални услови.Практичната обука и вежбите се во функција на оспособување на учесникот за непосредно учество  во чистење на оџаци, чадоводните објекти и уредите за вентилација, чистење на печки за ложење на тврди, течни и гасовити горива, за воочување на  појавите и промените  во работата на оџаците, одводните канали, печки, да применува професионална комуникаци со луѓе и институции, тимски да работи и доживотно да учи и усовршува .

По завршувањето на програмата учесниикот полага завршен испит пред комисија, а по успешното завршување на испитот се стекнува со Сертификат  за стручна оспособеност Оџачар.

Програмата дава можност за вертикално напредување во занимањето.