Програмата се заснова на стандардите 5411 (дадени во Национална класификација на занимањата, државен завод за статистика 2011), потребни за  сaмостојно извршување на работите и работните задачи пожарникар, во непосредно учество за спроведување на мерките за заштита од пожар, спречување на настанување на пожар и експлозии, локализирање и гасење на пожари, спасување на имоти и лица загрозени од пожар и елементарни непогоди.

Времетраењето на програмата е со шест месеци, или 750 часа.

Програмата е структурирана по тематски целини со стручна теоретска настава и практична обука.

Теоријата се реализира во опремени училници/кабинети, а практичната обука во вежбални, кабинет, полигон за вежбање и во реални услови во единицата за противпожарна заштита.

Практичната обука и вежбите се во функција на оспособување на учесникот за непосредно учество во гасење на пожари, спасување на луѓе и материјални добра, давање на дневни извештати за  настаните, појавите и промените за кои се води евиденција, да применува професионална комуникаци со луѓе и институции, тимски да работи и доживотно да учи и усовршува .

По завршувањето на програмата учесниикот полага завршен испит пред комисија, а по успешното завршување на испитот се стекнува со Сертификат  за стручна оспособеност за пожарникар  по верификувана програма.