Sorry, the content of this page is available only in %LANG. For the sake of viewer convenience, the content is shown below in the alternative language. You may click the link to switch the active language.

Главна цел на Програмата е работно оспособување за Ракувач со багер, утоварни машини и булдожер..Со оваа програма учесникот стекнува знаења и се оспособува за ракување, управување и од ржување во исправна состојба на рударската механизација. По успешното завршување на Програмата учесникот ќе се оспособи да ја планира и организира работата со рударската механизација, рационално користи машини, уреди, подготвува и проверува исправност на алати, ракува и управува со соодветната рударска механизација, изведува ископ, депонира ископан материјал, користи технички упатства за ракување, пополнува документација, се грижи за безбедноста при работа, здравјето и заштита на работната околина.
Начинот на реализација на програмата е преку практична обука и теоретска настава и води до стекнување на сертификат „Ракувач со багер, утоварни машини и булдожер“.
Времетраењето на програмата е 300 часа од кои 60 часа теоретска настава, 230 часа се практична обука во реални работни услови и 10 часа се наменети за оценувањето. Теоретскиот и практичниот дел од програмата ќе се изведува неколку пати неделно, однапред договорено со учесниците во програмата. Теоретската настава се одвива во специјализирани простории во компанијата под менторст во на овластен инженер, а практичната обука во рамките на компанија. За време на практичната обука на учесниците ќе им биде доделен ментор, вработен во компанијата.
Вреднувањето на постигнувањата на учесниците се спроведува по завршувањето на теоретскиот дел преку проверка на знаењето, а по завршувањето на практичната обука следи и завршен испит преку кој ќе се проверуваат стекнатите вештини и компетенции. По успешно положен завршен испит учесниците се стекнуваат со сертификат “„Ракувач со багер, утоварни машини и булдожер”.