Опис на програма
Спасителот во планина и непристапен терен го проучува теренот, просторот и условите на местото на настанот, планира потребна опрема, средства и алати за интервенирање во настанатата несакана ситуација.Спасителот во планина и непристапен терен врши прибирање и обработка на информации, за подготовка на спасителна акција. Определува потребни човечки и материјални ресурси за интервенција во дадената ситуација. Применува соодветни методи за спасување во планина и непристапен терен (лавинска зона, спасување од блокирана жичара, хеликоптер, како и параглајдерист и делтапланерист). Врши евакуација на лица од планина и непристапен терен. Пружа медицинска и прва помош на повредениот /а и самопомош по потреба. Врши транспорт на лицата од планина и непристапниот терен или лавинска зона. Изготвува понуди за извршување на работи поврзани со спасителни акции на планина и непристапен терен. Изработува калкулации на цените на чинење на услугите Следи промените во пошироките општествени трендови, економската клима, прашањата околу животната средина, здравството и технолошкиот развој. Спасителот во планина и непристапен терен познава номенклатура на Меѓународната асоцијација на алпинистичките и планинарските федерации на светот (UIAA- Union International des Alpinistic Assotiations) за опис на алпинистичките насоки и е способен да изврши квалитетно фото и видео документирање при спасителни акции.
Резултати од програма
- Планира, подготвува, организира и извршува работни задачи
- Чита метеоролошки и топографски мапи
- Применува соодветни методи и техники за спасување во планина и непристапен терен
- укажување на прва помош и медицинска помош на повредено лице во дадена ситуација
- Укажува прва помош и медицинска помош на повредениот во случај на : фрактура на повредениот, нагмечување на меки ткива, исчашување, дисторзија (истегнување), набиеница (контузија), повреди на рбетниот столб, повреди на главата, трауматски шок, повреди од ниски и високи температури
- Врши евакуација на лица од жичара или гондола во случај на престанок на нивно функционирање, евакуација на лица од карпа, снег и мраз (микс терен), евакуација на лица зафатени во лавина, евакуација на лица блокирани на крошна од дрво или во шума на параглајдеристи и делтапланеристи
- Врши евакуација на лица од жичара или гондола во случај на престанок на нивно функционирање
- Применува комуникациски вештини и работа под притисок
- Познава правилник за употреба на куче трагач во лавина
- Познава процедури за евакуација на лице блокирано на жичара или гондола
- Познава процедури за извлекување на лице зафатено со лавина
- Користи рационално материјали, опрема и време за спасување во планина и непристапен терен
- Применува мерки за заштита при работа
- Развива претприемачките вештини, работи во тим и доживотно учи и се усовршува
- Познава искуства за спасувачки акции во планина и на непристапен терен од други земји
- Опишува техники на алпско скијање, турно скијање и бордање
- Познава техники за правилно сместување на повредениот во превозното средство во зависност од видот на повредата
- Опишува постапки и процедури за организирање на спасителна акција на планина и во карпа
- Почитува UIAA номенклатура за опис на алпинистичките насоки и е способен да изврши квалитетно фото и видео документирање при спасителни акции
- Опишува процедури за потрага и спасување на паднат воздухоплов
Критериуми за влез во програмата
- Најниско ниво на алпинистичка квалификација кое што е потребно за да се започне со обука за спасител во планина и неристапен терен “Аспирант за aлпинист“, според Правилникот за работа на Македонската алпинистичка федерација.
- Да има завршено средно училиште.
- Да е здравствено и психофизички способен.
- Со правосилна пресуда да не му е изречена казна забрана на вршење професија, дејност или должност.
- Да има уверение за положен курс по прва помош.
- Да има полиса за осигурување од осигурителна компанија.
Времетраење на програмата
Времетраење на програма | Вкупен број на часови | Изразено во проценти |
---|---|---|
Теорија | 50 | 20 |
Пракса | 175 | 80 |
Оценување | 25 | 10 |
Вкупен број на часови | 250 |