Sorry, this entry is only available in Macedonian. For the sake of viewer convenience, the content is shown below in the alternative language. You may click the link to switch the active language.

Програмата овозможува работно оспособување за Ѕидар-фасадер и истата е со тримесечно времетраење, односно 380 часа и опфаќа стручно теоретски содржини кои се во функција на практичната обука, која пак се изведува во работилница и на терен во реални услови. По успешното завршување на програмата учесникот ќе се оспособи: да ја планира и организира сопствената работа; рационално да ги користи енергијата, материјалот и времето; да комуницира со претпоставениот и странките; да ги развива и усовршува вештините и знаењата; да го подготвува работното место, материјалот, алатот и машините за изведба на ѕидарските и фасадерските работи; да подготвува малтери и ѕида ѕидови со тула, керамички блокови, бетонски блокови, камен и др. материјали за ѕидање, да ја испитува и да ја подготвува подлогата за нанесување фасада; да изведува класична и староградска фасада, термизолационен систем и фасадно цокле; да подготвува и реализира понуди за ѕидање и изведба на фасада според барањето на техничката документација, клиентот и надзорот; да ги применува стандардите и нормите за материјалите, постапките и да го контролира квалитетот на изведбата на фасадата и цоклето; да ги подготвува, одржува и користи алатите и машините за изведба на ѕидарски и фасадерски работи; да комуницира со соработниците; да се грижи и да го чува здравјето, работната средина и пошироката околина; да комуницира со стручните служби и странките; да ги развива претприемачките особини, вештини и знаењата; да познава права од работен однос, можности за отвoрање и водење на мал бизнис.
По завршувањето на обуката учесникот полага завршен испит и по успешното завршување се стекнува со сертификат за Ѕидар – фасадер за класични и строградски градби.