Опис на програма
Главната цел на програмата е учесниците да се стекнат со знаење, вештини и компетенции за готвач во угостителски објект. Во програмата ќе бидат опфатени сите техники на готвење. Програмата овозможува работно оспособување за Готвач во угостителски објект и истата е со тримесечно времетраење, 250 часа и опфаќа стручно теоретски содржини кои ќе се реализираат во училница и практичната обука која пак, се изведува во кујни во ресторани или хотели. По успешното завршување на програмата учесникот ќе се оспособи да ја подготвува и ја организира својата работа, да составува листа на јадења и менијата за редовните оброци и да приготвува прехранбени продукти на различните видови готварски производи, ладни и топли предјадења, супи, чорби и потажи, основни сосови, јадења од месо, риби, прилози, вегетаријански и национални јадења, салати, да ги сервира, декорира и ги испорачува јадењата во соодветни садови, да ја води и ја ажурира евиденцијата за работата во кујната, да работи во согласност со нормативите и гарантира за квалитетот на работата и услугите, да извршува работите во согласност со прописите за заштита на работната средина и околината, да ги познава правата од работен однос и можностите за отварање и водење на сопствен бизнис. На крајот на успешно реализираната обука кандидатите ќе се стекнат со сертификат за работна оспособеност за готвач.
Резултати од програма
- самостојно и во тим планира и организира работа и работни активности,
- стекнува и развива работни навики и работна дисциплина,
- рационално користи средства за работа, материјали и време,
- комуницира со соработниците,
- објаснува видови кујни,
- применува готварска терминологија,
- подготвува работно место,
- составува листа на јадења и менија,
- приготвува различни видови ладни и топли предјадења, супи, чорби и потажи,
- приготвува јадења(готени и печени) од мелено, говедско, телешко, свинско, јагнешко и пилешко месо со прилози,
- приготвува риба,
- приготвува национални јадења,
- приготвува и декорира салати, прилози од свеж, варен и конзервиран зеленчук,
- познава правата од работен однос,
- врши проверка на квалитетот на извршената работа,
- познава и применува гастрономски трендови во кулинарството,
Критериуми за влез во програмата
Времетраење на програмата
Времетраење на програма | Вкупен број на часови | Изразено во проценти |
---|---|---|
Теорија | 42 | 18 |
Пракса | 170 | 70 |
Оценување | 28 | 12 |
Вкупен број на часови | 240 |