Опис на програма
Програмата “Фризер за жени и мажи” е насочена кон стручно оспособување на учесникот од областа на фризерството. Основнат цел на програмата е учесникот по завршување на програмата да биде способен да организира простор и работа во салон, подготвува клиент, мие и регенерира коса и скалп, потстрижува коса, обликува и фенира, обликува и фазонира брада и мустаќи, подготвува коса за боење, бои и шатира.
Во реализација на обуката ќе се применуваат современи наставни методи, вербални, демонстрирање, практична работа – вежби кои ќе му овозможат на учесникот континуирана активност за целокупното траење на обуката. Во тек на обуката ќе се применуваат наставни средства и помагала кои се дефинирани во точка 23 (опрема и наставни помагала).
Оценувањето на постигањата на учесникот ќе се врши преку следење и вреднување на знаењата и умеењата во текот на целата обука, усно-излагање, писмено-тестови на знаења на определени тематски целини и сегменти и практична работа- вежби.
Структурата на програмата за “Фризер за жени и мажи ” е следна:
стручно-теоретски дел,
практична работа и
проверка на постигањата на учесникот (завршен испит).
- Стручно-теретскиот дел од обуката ќе се реализира во опремена училница / кабинет. Теоретскиот дел од обуката ќе го реализираат обучувачи со завршено високо образование.
- Практичниот дел од обуката ќе се реализира во современо опремен фризерски салон, а со учесникот ќе работи фризер ментор со повеќегодишно работно искуство.
Учесникот кој успешно ќе ја заврши обуката се здобива со сертификат за Фризер за жени и мажи.
Времетраењето на програмата е 3 месеци или 12 недели или 250 часа.
Резултати од програма
- Организира простор и работа во салонот;
- Применува хигиено технички мерки во салонот;
- Врши прием на клиент;
- Подготовува клиент и работно место;
- Потстрижува коса;
- Обликува коса на различни начини;
- Прави ондулирање и исправување на косата;
- Бои, бели и шатира коса;
- Подготвува различни фризури според намена;
- Бричи и фазонира брада и мустаќи
- Применува сретства за лична и колективна заштита во работната средина;
- Применува права од работен однос и деловна комуникација;
- Применува норми на работна етика.
Критериуми за влез во програмата
Времетраење на програмата
Времетраење на програма | Вкупен број на часови | Изразено во проценти |
---|---|---|
Теорија | 50 | 20 |
Пракса | 175 | 70 |
Оценување | 25 | 10 |
Вкупен број на часови | 250 |