Курсот е наменет за возрасни слушатели кои го имаат завршено

прв степен А1.1 и со тестирање покажуваат соодветно знаење за

прв степен.

По завршувањето на курсот слушателот ќе може да се претстави себеси и другите, да поставува и одговара на прашања од личниот живот, да учествува во едноставна конверзација доколку соговорникот зборува јасно и бавно и да се снајде во практични секојдневни ситуации. Слушателот ќе се стекне со знаења и ќе биде оспособен да: се изразува едноставно со точна употреба на сегашно и минато време и самостојно да раскажува за настани, да разбира кратки огласи за работа и да одговори на едноставни прашања од интервју, да знае да ја каже својата професија и да зборува за своето образование, да дава совети, упатства и наредби, да замоли за нешто и да одговори на молба, да зборува за своите обврски, да разбира информативни брошури, да ги добие потребните информации на хотелска рецепција, да замоли за објаснување и да води елементарен дијалог. Да зборува за своите болки, да договара, презакажува и откажува термин пр. кај лекар, фризер итн., да зборува за својата и за здравствената состојба на другите, да умее да напише честитка, разгледница, куса порака, кусо лично писмо или е-маил во врска со познати теми, да се ориентира во град и да бара информација на автобуска или железничка станица, да разбира едноставни соопштенија на аеродром и на железничка, да бара информации во возни планови, да праша на шалтер за информации и да купи возна карта, да разбере опишување на пат со познати зборови или самиот да го опише. Слушателот ќе може да разбере писмени соопштенија, телефонски најави и пораки на телефонска секретарка, информативен текст, кратки едноставни упатства за употреба и статии од новина, да се изрази учтиво и да го објасни неговиот проблем на телефон кога некој апарат е расипан и не функционира. Да именува парчиња облека, да изразува допаѓање и недопаѓање, да побара помош и совет во стоковна куќа, да поставува и да одговара на прашања поврзани со датуми, писмено да откаже термин и да ја наведе причината, да прочита, разбере и напише покана за различни поводи, да прифати и да одбие покана, да именува празници и прослави и умее да честита, да пополни формулар.