Основна цел на програмата за електроинсталатер и монтер на станбени објекти   е стекнување на вештини за инсталирање на водови и електрични мрежи во станбени згради и производни погони.
Програмата е практично ориентирана преку практичната обука и теоретската настава и истата води кон стекнување на сертификат за електроинсталатер и монтер на станбени објекти. Програмскиот документ содржи 7тематски целини кои се целно орентирани.
Практичната обука ја реализира мајстор- електроинсталатер и монтер на станбени објекти   , теоретскиот дел го реализира наставен кадар согласно нормативот за наставен кадар за стручно образование.
Обуката се спроведува во кабинет, терен (стамбени згради и погони) во траење од 6 (шест ) месеци или 80 часа месечно или вкупно 480 часа.Обуката  се организира пет дена по 4 часа или вкупно  20 часа неделно. Практичната обуката   е индивидуална, додека теоретската настава повремено може да е фронтална, индивидуална, или групна во зависност од поставените цели на тематските целини. Вреднување на резултатите на постигањата на учесницит е перманентно и тоа усно,писмено, и преку постигањето на целите од практичната обука.За секој учесник се води портфолио.По завршување на обуката се спроведува завршен испит преку практична работа и усна проверка.Заклучната оценка на учесниците се изведе врз основа на портфолиото по секоја тематска целина како и од завршниот испит.Секој учесник кој го положил завршниот испит добива сертификат  за електроинсталатер и монтер на станбени објекти     во кој ќе бидат внесени стекнатите вештини,компетенции и знаења.За секој дел од испитот кандидатот се оценува со положил или неположил.Кандидатот добива инструкции и потребните материјали за изработка на практичната задача.Изработката на практичната задача е самостојна работа на секој кандидат без помош на мајсторот или другите членови на комисијата.Времетраењето на изготвувањето на задачите е во рамките од 120  минути  и е во зависност од испитните задачи.Практичната задача кандидатот ја изведува пред комисија ,која ги следи и ги оценува чекорите во изготвувањето на вежбите и секој член од комисијата независно ги пополнува оценувачките листи.Резултатите од практичната задача и од стручно теоретскиот дел  влијаат во конечното вреднување на постигањата на кандидатите