Главна цел на програмата е учесникот да стекне знаења, вештини и компетенции за примена на основните техники при изработка на рачно везени производи, како и правилно користење на опремата и инвентарот на работното место.

Начинот на реализација на програмата е преку теоретска и практична обука и води до стекнување сертификат “  изработувач на рачно везени производи ”.

Програмата се состои од четири модули – везење по шема, везење по цртеж, везење со броење жици и везење монистра, со кои се стекнува еден сертификат

Времетраење на програмата е 250 часа, од кои 24 часа теорија, 202 часа практична обука и 24 часа се наменети за оценувањето. Теоретскиот дел од програмата ќе се одвива во училница, а практичниот дел во просториите на студиото.

Вреднувањето на постигнувањата на учесниците се спроведува во текот на обуката и на крајот  на секој модул. По успешно завршување на четирите модули учесниците се стекнуваат со сертификат “ изработувач на рачно везени производи ” .