За да се вклучат во Програмата, учесниците треба да исполнуваат општи и посебни критериуми. Општи критериуми се: -возраст, најмалку 18 години, -завршено средно образование (четиригодишно или тригодишно), -три години активност во планинарење -членство во панинарски клуб, член на ФПСМ -добра здравствена состојба. Посебни критериуми се: -способност за самостојно движење -најмалку 5 различни тури над линија на дрва по лесни патеки (во последните три години) -најмалку 5 различни тури низ тешки  и низ многу тешки патеки (во последните три години) -најмалку 5 акции за бележење на планинарски патеки (во последните три години). Учесникот го докажува исполнувањето на посебните критериуми преку список на реализираните тури. Посебните критериуми кандидатот треба да ги исполни до денот на пријавување за обука. Пред за почнување на обуката, со кандидатите се реализира приемна планинска акција со која се проверува физичката и психичката подготвеност. Воедно се прави и приемен теренски тест, кој го утврдува нивото на знаење и подготвеност за стекнување лиценца.