Теоретската обуката ќе се организира и реализира во училниците на училиштето. При теоретската настава ќе се користат компјутери, Power point  презентации, LCD прожектор, слики, шеми, каталози, плакати, списанија, видео материјали, примероци од производи, декларации и друг дидактички материјал. Практичната настава ќе се реализира во училишната пекарска работилница и во пекарските погони во градот. Секој кандидат ќе има свое работно место во пекарската работилница и ќе биде набљудуван од страна на обучувачите во пекарите. Групата која се обучува не треба да биде поголема од 10 кандидати. Опремата, апаратите, приборот и материјалот одговара на потребите за стекнување на поставените цели за да се добијат бараните компетенции. Тоа се: основна опрема – столна вага, работни маси, мешалка за тесто, ферментациона комора, пекарска печка, мијалник, електричен бојлер, фрижидер, електричен шпорет, рачен миксер.  Прибор за работа – садови и прибор за јадење, сито, метални садови за готвење, пластични садови, одмерителни садови, сукала, ножеви, тави, калапи, четки, хартија за печење. Потребни суровини – различни видови брашна, вода, квасец, шеќер, сол, масло за јадење, јајца, зачини и друг материјал за работа. Ќе се обезбеди заштита при работа, како на просторот така и лична и колективна заштита на учесниците на обуката.
Сите кандидати задолжително треба да присуствуваат најмалку на 80% од часовите на модуларната единица за да може да се упатат на писмена и практична проверка на знаењата.